O funcionamento do Consello Económico e Social réxese pola Lei 21/1991, de 17 de xuño, de Creación do Consello; polo Regulamento de Organización e Funcionamento Interno aprobado polo Pleno do Consello Económico e Social o 25 de febreiro de 1993, e polas directrices e instrucións que para o seu desenvolvemento dite o propio Consello.

As sesións plenarias do Consello son públicas. Porén, determinados debates poden ser declarados reservados, por decisión do Pleno.

Ás sesións do Pleno do Consello Económico e Social poden asistir os membros do Goberno, previa comunicación ao Presidente ou a solicitude do Consello, podendo facer uso da palabra. Tamén poden asistir as demais autoridades e funcionarios da Administración del Estado, cando sexan convidados ou autorizados para informar ou para responder a preguntas relacionadas con asuntos da súa competencia.

A emisión dos ditames sobre os asuntos que son sometidos a consulta polo Goberno realízaa o Pleno ou, no seu caso, a Comisión Permanente, cando o primeiro delegase na segunda tal función.

Os ditames do Consello documéntanse por separado, distinguindo os antecedentes, a valoración efectuada e as conclusións, coa sinatura do Secretario Xeral e o visto e prace do Presidente, e a eles acompañan os votos particulares, se os houber. Os ditames do CES non son vinculantes para o Goberno.

Así mesmo, o Pleno ou, no seu caso, a Comisión Permanente, cando o primeiro delegase na segunda a función, emite os estudos e informes relacionados coas materias da súa competencia que elabora, a solicitude do Goberno ou dos seus membros ou por propia iniciativa.

A decisión de acometer a elaboración dun informe ou estudo por propia iniciativa adóptao o Pleno a instancia do Presidente, da Comisión Permanente, dun grupo ou de once Conselleiros, a través da Comisión Permanente.

Procedemento de elaboración dun Ditame ou Informe

Ditame ou Informe	Informe a iniciativa propia
Solicitude ao CES polo Goberno da Nación, ou os Ministros, dun Ditame ou Informe	Acuerdo del Pleno para la elaboración de un Informe
Traslado á Comisión de Traballo Competente na materia Preparación da proposta por Comisión de Traballo Presentación ao Pleno da proposta de Ditame ou Informe xunto coas emendas se as houber Aprobación do Ditame ou do Informe polo Pleno
Remisión do Ditame ou Informe xunto cos votos particulares se os houber, ao Órgano solicitante	Difusión do Informe